Astanada medıtsına mamandary koronavırýstan keıingi júrek-qan tamyrlary problemalaryn talqylap jatyr

ASTANA. QazAqparat - 2023 jylǵy 30-31 naýryz aralyǵynda QR Prezıdenti Іs basqarmasy Medıtsınalyq ortalyǵynda kardıologııa salasyndaǵy halyqaralyq sarapshylardyń qatysýymen ǵylymı-tájirıbelik konferentsııa ótip jatyr, dep habarlaıdy QazAqparat basqarmanyń Facebook paraqshasyna silteme jasap.

Konferentsııa kardıohırýrgııaǵa erekshe nazar aýdaryp, agressıvti kardıologııadaǵy zamanaýı tendentsııalarǵa arnalǵan jáne ozyq tehnologııalardy paıdalana otyryp, júrek-qan tamyrlary aýrýlaryn dıagnostıkalaý men emdeýdegi sońǵy jetistikterdi talqylaý sharalaryn qamtıdy.

Kezdesýdi QR PІB Medıtsınalyq ortalyǵy men QR PІB Medıtsınalyq ortalyǵynyń aýrýhanasy uıymdastyrdy.

Іs-shara Qazaqstan Respýblıkasy Densaýlyq saqtaý mınıstrliginiń, Qazaqstan Respýblıkasy «Kardıologtar qaýymdastyǵy» qoǵamdyq birlestiginiń jáne Eýrazııalyq arıtmologııalyq qaýymdastyqtyń (EURA) qoldaýymen ótip jatyr.

QR PІB Medıtsınalyq ortalyǵy basshysynyń orynbasary Lıýdmıla Bıýrabekova konferentsııada sóz sóılep, óz sózinde bul oqıǵa ınnovatsııalyq tájirıbelermen almasýǵa jáne ǵylym men tehnologııalar arasyndaǵy baılanysty nyǵaıtýǵa múmkindik týǵyzatynyn atap ótti.

Konferentsııa «postkovıd dáýirindegi» júrek-qan tamyrlary problemalaryna arnalady jáne osy saladaǵy áleýetti kórsetýge kómektesedi. Sondaı-aq, ol konferentsııa azamattardyń densaýlyǵyn jaqsartý úshin ǵylymı-praktıkalyq baılanystardy nyǵaıtady degen úmitin bildirip, barlyq qatysýshylarǵa jemisti jumys tiledi.

«Konferentsııada belgili álemdik sarapshylar ózekti taqyryptarda sóz sóılep, qatysýshylarmen óz tájirıbelerimen bólisti, sonymen qatar qazaqstandyq jáne sheteldik jetekshi baıandamashylarmen telekópirler uıymdastyryldy», - delingen habarlamada.