Astanada masa men shybyn-shirkeıge qarsy óńdeýdiń úshinshi kezeńi bastaldy

<p>ASTANA. KAZINFORM &mdash;18 maýsymnan bastap &laquo;Stolıchnaıa dezınfektsııa&raquo; JShS ashyq statsııalardy-saıabaqtardy, skverlerdi, kóshelerdi, turǵyn alaptardy óńdeýdiń úshinshi kezeńin bastady. Bul týraly Astana ákimdiginiń resmı saıty jazdy.</p>

«Dezınfektsııalyq sharalar tolyq joıýǵa emes, titirkendirgish jándikterdiń sanyn azaıtýǵa baǵyttalǵan, óıtkeni olar tabıǵı ekojúıeniń ajyramas bóligi bolyp sanalady. Búginde qalada túngi ýaqytta saǵat 21.00-den 04.00-ge deıin júrgiziletin aýqymdy dezınsektsııalyq jumystar jalǵasyp jatyr», — delingen habarlamada.

Turǵyndardyń jaıly demalysy men ýaqytyn ótkizý úshin adamdar kóp jınalatyn oryndarǵa, ıaǵnı saıabaqtar men jaǵalaýlarǵa erekshe nazar aýdarylady.

Dezınfektsııalyq sharalar kezinde saqtyq sharalaryn saqtaý mańyzdy:

— Óńdeletin jerge barýdy shekteý;

— Óńdeý kezinde terezelerdi jabyńyz.

Qan soratyn jándikterdiń sanyn anyqtaý jáne azaıtý jumystary baqylaýda jáne ǵylymı top pen sanıtarlyq-epıdemıologııalyq baqylaýdyń kesteleri men usynystaryna sáıkes jalǵasady.

Aıta ketý kerek, kireberister men jertólelerdi óńdeýdi PIK jáne MIB júrgizýi tıis.