Astanada masa-shirkeıge qarsy óńdeý jumystary júrgizilip jatyr

<p>ASTANA. KAZINFORM - Elordada masa-shirkeılerdiń taralýyna qarsy dezınsektsııalyq jumystar sáýirden qyrkúıekke deıin aı saıyn 15 kún ishinde alty kezeńde júzege asyrylady. Jumystarǵa 100-ge jýyq adam, búrký boıynsha arnaıy kólik, termogeneratorlar tartylady. Agroýnıversıtetpen birlesip, ǵylymı qyzmetkerlerden masalardyń túrlerin zertteý jáne olardyń kóbeıýi, qajetti jumystardy qurý jónindegi shtab quryldy, dep jazdy Astana ákimdiginiń resmı saıty.</p>

«Stolıchnaıa dezınfektsııa» JShS qala ortalyǵynan ashyq stantsııalardy – saıabaqtardy, skverlerdi, kóshelerdi, turǵyn alaptardy óńdeýdiń úshinshi kezeńin aıaqtady. Qazir jappaı ósýdiń aldyn alý maqsatynda taıaz sý qoımalary men sýly-batpaqty jerlerdi masalardyń dernásildik formasyna qarsy óńdeý júrgizilip jatyr.

Dezınsektsııalyq sharalar jándikterdiń sanyn azaıtýǵa baǵyttalǵan. Óıtkeni olar tabıǵı ekojúıeniń ajyramas bóligi bolyp sanalady. Qazirgi ýaqytta búkil qala boıynsha, sonyń ishinde barlyq saıabaqtar men jaǵalaýlarda barlyq qajetti dezınsektsııalyq jumys júrgizilip jatyr.

Turǵyndardyń jaıly demalýy úshin dezınsektsııalyq jumystar túngi ýaqytta saǵat 21.00-den 04.00-ge deıin júrgiziledi. Adamdar kóp jınalatyn oryndarǵa, ıaǵnı saıabaqtar men jaǵalaýlarǵa erekshe nazar aýdarylady.

Óńdeý kezinde saqtyq sharalaryn saqtaý mańyzdy.

- Óńdeletin aımaqqa barýdy shekteý;
- Óńdeý kezinde terezelerdi jabyńyz.

Qan soratyn jándikterdiń sanyn anyqtaý jáne azaıtý jónindegi jumystar baqylaýda jáne ǵylymı toptyń, sanepıdbaqylaýdyń bekitilgen kesteleri men usynymdaryna sáıkes jalǵasyp jatyr

Sonymen qatar kireberister men jertólelerdi óńdeýdi PIK jáne MIB-ter júrgizýi kerek ekenin atap ótken jón.