Astanada Máńgilik el men Saraıshyq qıylysyndaǵy jolaıryq jabyldy
01:38, 30 Tamyz 2024
<p>ASTANA. KAZINFORM — Elordada jolaıryqta kólik qozǵalysyna tyıym salynady. </p>
Astana qalasynyń kólik jáne jol-kólik ınfraqurylymyn damytý basqarmasy Máńgilik el dańǵyly men Saraıshyq kóshesiniń qıylysyndaǵy kólik aıryǵynda deformatsııalyq tigisterdi jóndeý jumysy júrgiziletinin habarlaıdy.
Osyǵan baılanysty 29 tamyz ben 2 qyrkúıek aralyǵynda joǵaryda atalǵan ýchaske shemaǵa sáıkes tolyǵymen jabylady.
«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» dep eskertedi ákimdikten.