Astanada Máńgilik el dańǵylynyń ýchaskesi jóndeý jumysyna baılanysty jabylady

<p>ASTANA. KAZINFORM - Astana qalasynyń Kólik jáne jol-kólik ınfraqurylymyn damytý basqarmasy Máńgilik El dańǵyly boıynsha Hýseın ben Talal kóshesinen Qabanbaı batyr dańǵylyna deıingi ýchaskede jol tósemine ortasha jóndeý jumystaryn júrgizedi, dep habarlaıdy elorda ákimdiginiń resmı saıty.</p>

Osyǵan baılanysty, 16 maýsym men 1 shilde aralyǵynda joǵaryda atalǵan ýchaske ishinara jabylatyn bolady. Bul rette qozǵalys eki baǵytta da taraptardyń biri boıynsha júzege asyrylatyn bolady.

Astana turǵyndary men qonaqtaryn qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýy qajet.