Astanada Máńgilik el Daýysy biregeı ulttyq mýzykalyq shoýy ótti
«Máńgilik El Daýysy» - bul ártister kórermendermen birge súıikti ánderin birlese oryndaıtyn biregeı mýzykalyq joba. Sahnada otandyq estrada juldyzdary óner kórsetedi. Sondaı-aq, bizdiń kontserttik baǵdarlamamyz kórermenderimizge umytylmas áser syılaıdy dep senemin. Joba alǵash ret osyndaı aýqymda ótip otyr. Ol aldaǵy ýaqytta halyq arasynda tanymal bolyp, Qazaqstannyń barlyq óńirlerinde qoıylady dep senemin», - dep atap ótti jobany qoıýshy rejısserdiń kómekshisi Aıda Aqtanova.
Shoýdyń ereksheligi - kórermender qazaqstandyq estrada juldyzdarymen qosylyp, án sala alady. ıAǵnı, ol úshin tanymal týyndylardyń mátinderi arnaıy LED-ekrandarda kórsetiledi.
«Bul 100 paıyz tiri shoý, qoıylym. Mundaı jobalardy kóbi qolǵa ala bermeıdi. Biraq biz osyndaı keń aýqymda kontsert uıymdastyrýǵa bel sheshtik. Áýender jandy daýysta oryndalady. Eshqandaı aldyn-ala jazylǵan mýzyka joq. Kórermender ánshimen qosyla otyryp án shyrqaýy úshin biz ekrandarǵa arnaıy án mátinderin shyǵaramyz», - dep atap ótti Konstantın Golovın.
Merekelik shara barysynda qazaqstandyq estrada juldyzdary ózderiniń úzdik ánderin jandy daýysta oryndady. Onda Ámre, 2RAR, Nurjan Kermenbaev, Yenlik, Ayree, Qaırat Nurtass sııaqty tanymal ánshiler óner kórsetti.
«Osy kontsertke shaqyrtý alǵanyma óte qýanyshtymyn. Bul kontsert 2019 jyly da ótken bolatyn. Meniń bul jerden alǵan emotsııalarymdy sózben aıtyp jetkizý múmkin emes. Kórermenderdiń súıispenshiligi men qoldaýy úshin alǵys aıtqym keledi. Barsha qazaqstandyqtardy osy merekemen quttyqtaımyn. 25 qazan - biz úshin egemendik alýǵa jasaǵan alǵashqy qadamymyzdyń nyshany. Sondyqtan osy Táýelsizdigimizdiń máńgilik saqtalǵanyn qalaımyn. Biz úshin bul basty merekelerdiń biri», - dep pikir bildirdi ánshi Nurjan Kermenbaev.