Astanada LRT burǵylaý stantsııasynyń qurylǵysy turaqta turǵan kólikke qulady

<p>Astanada jeńil relsti transport (LRT) qurylǵysymen baılanysty jaısyz oqıǵa boldy. Burǵylaý stantsııasynyń qurylǵysy ruqsat etilmegen jerge qoıylǵan kólikke qulady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Osy oqıǵaǵa baılanysty City Transportation Systems kompanııasy pikir bildirdi.

«21 qazan kúni saǵat 17:00-de Syǵanaq kóshesiniń boıynda qurylys júrip jatqan kezde burǵylaý stantsııasy oń jaqtaǵy shynjyr tabanymen asfalttyń bos jerine túsip ketti. Sol mańda ruqsat etilmegen jerde «Hyundai» kóligi turǵan. Kóliktiń salonynda eshkim bolmaǵan. Burǵylaý stantsııasynyń qurylǵysy sol kólikke qulady»,-dep málimdedi CTS kompanııasynyń ókilderi.

Oqıǵa bolǵan aımaq qorshaldy. Qazirgi tańda oqıǵa ornynda polıtsııa jumys istep jatyr. Zardap shekkender joq.