Astanada qyzmetke qosymsha tartylatyn polıtseıler qylmystylyq máselesin sheshe ala ma?
«Jalpy elimiz boıynsha aýyr jáne asa aýyr qylmystardy ashý jumystarynyń kórsetkishi jaqsardy. Jasóspirimder jasaıtyn qylmys máselesi ózekti bolyp otyr. Jyl basynan beri jasóspirimderdiń qatysýymen 900-ge tarta qylmys jasalǵan», - dedi Ortalyq kommýnıkatsııalar qyzmetindegi búgingi brıfıngte QR Іshki ister mınıstri Qalmuhanbet Qasymov.
Budan keıin mınıstr myrza joldaǵy qaýipsizdik máselesine oıysyp, júrgizýshilerdi oqytatyn keıbir uıymdardyń jumysyna narazylyq bar ekenin atap ótti. Endi bulardyń qyzmeti baǵalanatyn kórinedi. Eger júrgizýshilik kýálikke synaqtan óte almaý, jol erejesin jıi buzýshylyqtar boıynsha problemalar oryn alǵan jaǵdaıda, onda osyndaı uıymdardyń lıtsenzııasyn sot arqyly qaıtaryp alý is-qımyldary jasalmaq.
Sonymen Qalmuhanbet Qasymov júrgizýshiler polıtsııa qyzmetkerimen aradaǵy áńgimeni beıne taspaǵa túsire alatynyn aıtty. Atap aıtqanda, búginde ǵalamtorda polıtsııa qyzmetkeri toqtatqannan keıingi jaǵdaıdy júrgizýshiler taspaǵa jazyp, ony keıinnen áleýmettik jelilerde taratý úrdisi keńinen jaıylǵan. Bundaı jaǵdaılarda júrgizýshiniń taspaǵa basyp jatqan áreketine polıtseıler qarsylyq tanytyp jatady.
Brıfıng barysynda «júrgizýshiler polıtseımen aradaǵy áńgimeni uıaly telefonǵa jaza ala ma?» degen tilshilerdiń saýalyna Q. Qasymov bundaı árketke tyıym salynbaıtyndyǵyn atap ótti. «Nege bolmaıdy? Jazsyn. Eshkim eshqandaı tyıym salmaıdy. Alaıda, bizdiń qyzmetkerlerge bul tek prokýrordyń sanktsııasymen ruqsat etiledi», - dedi mınıstr.
Aıtpaqshy, Astanada qaýipsizdik úshin polıtseılerdiń sany edáýir artatyn boldy. Bul baǵyttaǵy jumystar birinshi kezekte elordadaǵy qylmystylyqty tómendetýge baǵyttalýda.
«Taıaýda men Memleket basshysynyń qabyldaýynda bolyp, Astana boıynsha jaǵdaı týraly baıandap berdim. Prezıdent jedel-tergeý qyzmetteriniń sanyn arttyrý turǵysynda respýblıkalyq bıýdjet esebinen 1300 adamdy qabyldaýdy bekitti. Qala ákimi jergilikti bıýdjet esebinen polıtsııa qyzmetkerlerin arttyrý sheshimin qabyldady. Olardyń qatarynda sholǵynshy polıtsııa men ýchaskelik ınspektorlar jáne basqalary bar. 7-8 aıdyń ishinde nemese bir jylda biz bul adamdardyń barlyǵyn qabyldaımyz», - dedi mınıstr.
Belgili bolǵandaı, qyrkúıekte Astana mańynda áskerı qalashyqtyń qurylysy aıaqtalady. Onda elordada qyzmetin atqaratyn 2,5 myń merzimdi sarbazdar ornalasady. Osy oraıda sarbazdar qaladaǵy taǵy 500 baǵdardy qamtıtyn bolady. Bul turǵydaǵy sharalar qala kóshelerindegi buzaqylyqty aıtarlyqtaı tómendetedi degendi bildiredi. Sebebi, sońǵy jyldary elordaǵa keletin týrıster sanynyń artýyn eskersek, qala turǵyndary men meımandarynyń qaýipsizdigi basty nazarda bolýy mańyzdy.
Atap aıtqanda, ótken aptanyń sońynda elordany odan ári damytý jónindegi keńeste Elbasy Nursultan Nazarbaev osy másele boıynsha naqty tapsyrma bergen bolatyn.
«Biz ishki ister organdarynyń, jergilikti bıliktiń birlesken kúsh-jigerimen Astanany adamdar úshin qaýipsiz qalaǵa aınaldyrýǵa kelisken bolatynbyz. Búginde Qazaqstan boıynsha qaladaǵy qylmystyq eń joǵary deńgeıde qalyptasyp otyr. Nege osylaı boldy? Byltyr qylmys kólemi 53 paıyzǵa ósti, onyń ishinde aýyr qylmystar eki esege ósken. Qylmystardyń ashylýy 36 paıyz deńgeıinde», - dep toqtaldy Elbasy.
Óz kezeginde Astanada ІІB basshysy Amantaı Áýbákirov byltyrǵy jyly - 59 myń, al bıylǵy birinshi toqsanda - 28 myń quqyqbuzýshylyq anyqtalǵanyn jetkizdi, sondaı-aq aýyr jáne asa aýyr qylmystardyń betin ashý deńgeıi jaqsarǵanyn alǵa tartty.
Polıtseılerdiń ýájine qaraǵanda, qaladaǵy qylmystylyqtyń eleýli paıyzy syrttan kelgenderge tıesili. ıAǵnı, qylmystyń jartysynan astamyn shetten kelgender jasaıdy. Osy baǵytta qazirgi kezde tıisti sharalar atqarylyp jatyr.
«Degenmen de bul sharalar jetkiliksiz. Jumysty jalǵastyryńyzdar. Qala adam ómiri úshin qaýipsiz bolýy tıis», - dep tapsyrǵan bolatyn Prezıdent jıyn barysynda.
Osy oraıda mınıstr Qasymovtyń aıtýynsha, Astana turǵyndaryna shaqqanda polıtseıler jetispeıdi, sondyqtan elordada qylmys kólemi ósýde. «Bizdiń Astanadaǵy kúshterimiz 240 myń adamǵa eseptelgen. Sońǵy sanaqqa qaraǵanda elordanyń halqy 810 myńǵa deıin artqan. ıAǵnı, qala úsh esege jýyq kórsetkishke ósken, al biz tek 240 myń adamdy qamtyp otyrmyz», - dedi Q. Qasymov.
Al bir jyldyń ishinde Astanada polıtsııa qyzmetkerleri kóbeıgen jaǵdaıda, qalany qamtý deńgeıi edáýir artyp qalmaq.
Aıta keteıik, brıfıng barysynda mınıstr Soltústik Qazaqstan oblysy qarjy polıtsııasy basshysynyń birinshi orynbasary Jandos Ahmetovti óltirý faktisi boıynsha polıtsııa úsh adamdy qamaýǵa alǵanyn habardar etti. Ótken jylǵy 24 jeltoqsan kúni shamamen 20:00 kezinde Petropavlda ıÝbıleınaıa kóshesiniń boıynda óz úıiniń kireberisindegi baspaldaqta belgisiz bireýdiń qolynan mert bolǵan Soltústik Qazaqstan oblysy boıynsha Ekonomıkalyq jáne sybaılas jemqorlyqqa qarsy kúres departamenti basshysy birinshi orynbasarynyń máıiti tabyldy. Osy oqıǵa boıynsha QR QK 96-babyna sáıkes qylmystyq is qozǵaldy
«Qarjy polıtsııasy birinshi orynbasarynyń ólimine baılanysty búginde osy is boıynsha úsh adam tutqyndaldy. Negizgi kıller, eki aradaǵy tapsyrys berýshi jáne qarý usynǵan kúdiktiler. Osy is boıynsha qalǵan máseleler sottan keıin belgili bolady», - dedi mınıstr.