Astanada qyz bala kópqabatty úıdiń terezesinen turmystyq tehnıkalar laqtyrǵan
13:39, 04 Shilde 2023
ASTANA. QazAqparat – Elordada 25 jastaǵy qyz kópqabatty úıdiń terezesinen turmystyq tehnıkalar laqtyrǵan, dep habarlaıdy QazAqparat tilshisi.
«3 shildede «102» arnasyna turǵyn úıdiń joǵary qabattaǵyy terezinen turmystyq tehnıkalar laqtyrylyp, meıramhana múlki zaqymdalǵany týraly habarlama kelip tústi. Atalǵan fakti boıynsha 25 jastaǵy qyz anyqtaldy. Ol tekserýden keıin qalalyq psıhologııalyq densaýlyq ortalyǵynyń jedel járdem brıgadasyna tabystaldy. Medıtsınalyq tekserýden keıin quqyqtyq baǵa beriletin bolady», - dep atap ótti Astana qalalyq Polıtsııa departamentiniń baspasóz qyzmetinen.