Astanada Qytaıdyń dástúrli medıtsına ortalyǵy ashyldy
Sondaı-aq, sharaǵa QR Densaýlyq saqtaý mınıstri Eljan Birtanov, QR Prezıdenti Іs basqarmasy men Medıtsınalyq ortalyqtyń basshylyǵy, Qytaıdan kelgen seriktester qatysty.
Óziniń quttyqtaý sózinde Gúlshara Ábdiqalyqova eki el arasyndaǵy dıplomatııalyq qarym-qatynastardyń ornaǵanyna 25 jyl tolǵanyn atap ótti. Qazaqstan Respýblıkasynyń Prezıdenti Nursultan Nazarbaev pen QHR tóraǵasy Sı Tszınpınniń arasynda jyly dostyq qarym-qatynas qalyptasqanyn da aıryqsha aıtyp ótti. Sonyń nátıjesinde ekijaqty yntymaqtastyqtyń joǵary deńgeıi men senimdi dıalog ornap, taraptar ózara áriptestikti nyǵaıtýǵa múddeli bolyp otyr.
Memlekettik hatshy qytaı medıtsınasynyń tamyry tereńde jatqan júıe ekenin, dárigerlerdiń myńdaǵan jyldar boıy jınaqtaǵan tájirıbesine negizdeletinin aıtty.
«Dástúrli qytaı medıtsınasy óz tamyryn tereńnen alady. Atalǵan medıtsınanyń fılosofııasy bizge jaqsy tanys, onda adamzat tutas qorshaǵan ortamen tyǵyz baılanysta zertteledi. Sol sebepti, bizde ǵylymı medıtsınamen qatar balamaly medıtsına túrleri de bolý kerek. Bul ortalyqtyń EKSPO qarsańynda ashylýy da este qalarlyq», - dedi Gúlshara Ábdiqalyqova.
Óz kezeginde QR Prezıdenti Іs basqarmasynyń Medıtsınalyq ortalyǵynyń basshysy Valerıı Benberın ortalyqta 5 qytaılyq mamannyń jumys isteıtinin málim etti.
«Dástúrli qytaı medıtsınasy - aǵzanyń saýlyǵy, jan men tánniń jaı-kúıi týraly tereń ilim. Dástúrli qytaı medıtsınasy álemniń 140 elinde moıyndalǵan jáne zamanaýı medıtsınamen qatar qoldanylady. Ortalyqta dıagnostıka men emdeýdiń tańdaýly ádisteri júrgiziledi», - dedi ol.
Ortalyq qyzmeti aqyly túrde júzege asady. Alýan túrli massajdar, ıne-refleks terapııasy, bankalyq massaj, psıho-fızıologııalyq em túrleri usynylady. Odan bólek, ortalyq janynda álemge tanymal TongRenTang emdik shópter dárihanasy jumys isteıdi. Bul Qazaqstan aýmaǵynda ashýǵa ruqsat berilgen birden bir dárihana.