Astanada «Qyran qanatyndaǵy jyr» poezııa keshi ótedi

ASTANA. QazAqparat - 20 mamyrda QR Ulttyq akademııalyq kitaphanasynda Uly Jeńistiń 70 jyldyǵyna baılanysty Halyq qaharmany, qazaqtyń tuńǵysh ushqysh batyr qyzy Hıýaz Dospanovaǵa arnalǵan «Qyran qanatyndaǵy jyr» atty ádebı poezııa keshi ótedi, dep habarlady mekeme baspasóz qyzmeti.

Hıýaz Dospanova (15.05.1922-21.05.2008 jj.) qazirgi Atyraý oblysynda dúnıege kelgen.

«Álııa, Mánshúk, Hıýaz... Surapyl soǵys jyldary erjúrek osyndaı qarakóz qazaq qyzdarynyń batyldyǵyn, batyrlyǵyn ásirelep, áspetteýdiń qajeti de joq shyǵar... Olardyń esimderin tek Qazaqstan ǵana emes, kezindegi KSRO halyqtary da jaqsy biledi».

Ushqyshtyq ómir jolyn Oraldyń aeroklýbynda bastaǵan Hıýaz Dospanova soǵys jyldarynda áıgili ushqysh Marına Raskova basqarǵan 46-gvardııalyq polkiniń quramynda bolyp, 300-den astam áýe shaıqastaryna qatysyp, teńdessiz erligi úshin «qanatty qyz» atanyp, aty ańyzǵa aınaldy. 2004 jyly Elbasymyz N. Á. Nazarbaevtyń Jarlyǵymen Hıýaz Dospanovaǵa «Halyq qaharmany» ataǵy berildi.

Keshke astanalyq zııaly qaýym ókilderi, akademık Myrzataı Joldasbekov, jazýshy Sultan Orazalın, L. N. Gýmılev atyndaǵy Eýrazııa Ulttyq ýnıversıtetiniń prorektory Dıhan Qamzabekuly, Astana qalasy tilderdi damytý basqarmasynyń basshysy Erbol Tileshov qatysady.