Astanada qurylys basynda kran qulap ketti

ASTANA. QazAqparat - Astanada kran qulady, dep habarlaıdy QazAqparat Tótenshe jaǵdaılar mınıstrliginiń ónerkásiptik qaýipsizdik komıtetine silteme jasap.

19 sáýir tańǵy saǵat 09:25 shamasynda Astana qalasy Aqyn Sara kóshesi, 53 mekenjaıynda ornalasqan Inshaat Invest JShS «Kiriktirilgen úı-jaı men parkıngi bar kóppáterli turǵyn úı kesheni» qurylys ýchaskesinde júkti kóterý kezinde QTZ-63 munara kranynyń sektsııasy buzyldy.

Krannyń ıesi - Kapıtal JK.

Zardap shekkender joq.

Avarııanyń aldyn ala sebebi - shamadan tys júkteme.

Qazirgi ýaqytta oqıǵa ornynda ónerkásiptik qaýipsizdik komıtetiniń Astana qalasy boıynsha departamentiniń qyzmetkerleri jumys istep jatyr.

Departament pen jergilikti atqarýshy organdar ókilderiniń jáne basqa da múddeli tulǵalardyń qatysýymen avarııany tergeý jónindegi komıssııa qurylady.

Tergeý nátıjesi qosymsha habarlanady.