Astanada qurylysy 13 jylǵa sozylǵan turǵyn úı kesheni aıaqtaldy

<p>ASTANA. KAZINFORM &ndash; Astana qalasynyń ákimi Jeńis Qasymbek&nbsp;<a href="https://www.instagram.com/reel/C6GsFnOsHWS/?utm_source=ig_web_copy_link" target="_blank" rel="noopener">Instagram</a> paraqshasynda qurylysy uzaqqa sozylǵan &laquo;Trıýmf Sıtı&raquo; kesheni aıaqtalǵanyn málim etti, dep jazdy elorda ákimdiginiń resmı saıty.</p>

«Qurylysy uzaqqa sozylǵan taǵy bir turǵyn úı kesheni aıaqtaldy. «Trıýmf Sıtı» TK qurylysy sonaý 2011 jyly bastalǵan. 13 jyldan keıin kópqabatty turǵyn úı kesheniniń 1-kezeginiń úleskerleri baspanaly boldy. Qazir abattandyrý jumysy júrip jatyr.

«Elorda qurylys kompanııasy» JShS tarapynan osy úıdiń qurylysyn aıaqtaý, qujattaryn retke keltirý boıynsha aýqymdy júıeli jumys júrgizildi. Al ekinshi-úshinshi kezektiń turǵyndary jaqyn arada páterleriniń kiltin alady dep josparlanyp otyr. 

Foto: gov.kz

Osyǵan deıin memlekettiń qoldaýynyń arqasynda qurylysy uzaqqa sozylǵan 140-tan astam turǵyn úı kesheni aıaqtalǵan. Osylaısha 15,5 myńǵa jýyq úlesker otbasynyń problemasy sheshildi.

Bıylǵa qurylysy uzaqqa sozylǵan 10 úı qaldy. Olardyń bir bóligi aıaqtaldy. Al qalǵanyn osy jyldyń maýsym aıynyń sońyna deıin aıaqtaýdy josparlap otyrmyz. Árbir nysan boıynsha qadamdyq is-sharalar jospary bar», - dep jazdy Jeńis Qasymbek.