Astanada kúres túrlerinen el birinshiliginiń ashylý saltanaty ótti

<p>ASTANA. KAZINFORM &ndash; Astana qalasynda 1-5 aqpan aralyǵynda grek-rım, erkin jáne áıelder kúresinen Qazaqstan Respýblıkasy chempıonatynyń saltanatty ashylýy rásimi ótti.</p>

Ashylý saltanatyna KSRO jáne Qazaqstannyń Eńbek sińirgen sport sheberi, Qazaqstannyń eńbek sińirgen qaıratkeri, Qazaqstannyń jáne Qyrǵyzstannyń eńbek sińirgen jattyqtyrýshysy, UWW birikken kúres áleminiń bıýro múshesi, Azııa kúres federatsııasy jáne QR grek-rım, erkin jáne áıelder kúresi federatsııasynyń prezıdenti Dáýlet Bolatuly Turlyhanov qatysyp sportshylarǵa sáttilik tiledi.

Atalǵan el birinshiligine elimizdiń 20 óńirinen 600-den astam kúres sheberleri qatysýda.

Búgin grek-rım kúresinen bes salmaq sanatynda 55, 63, 72, 82 jáne 97 keli kileń myqtylar anyqtalady.

El birinshiligi dańqty balýan Jaqsylyq Úshkempirov atyndaǵy «Jekpe-jek» sport saraıynda jalaýyn jelbiretti.

Osy birinshilikte top jarǵan balýandar Bishkekte (Qyrǵyzstan) ótetin Azııa aımaqtyq, Ystanbulda (Túrkııa) ótetin álemdik irikteý týrnırinde baq synaý múmkindigine ıe bolady.