Astanada kúnine 75-80 bala qyzylsha juqtyryp jatyr

<p>Elordada kún saıyn 75-80 bala qyzylsha ınfektsııasyn juqtyryp aýrýhanaǵa túsýde. Onyń deni &mdash; balalar. Bul týraly qalalyq №3 kópbeıindi balalar aýrýhanasy dırektorynyń orynbasary Roza Ótegenova málim etti, dep habarlaıdy Kazinform agenttigi.</p>

«Bizdiń aýrýhanaǵa qyzylsha ınfektsııasymen kúnine 75-80-ge jýyq bala túsip jatyr. Onyń 30-35%-y statsıonarlyq, qalǵany ambýlatorııalyq em alyp jatyr. Qyzylsha juqtyrǵandardyń kóbisi 7 jasqa deıingi balalar. 10-15% ǵana 7 jastan asqandar jáne 17% 1 jasqa tolmaǵan sábıler», - dedi Roza Ótegenova Astana qalalyq kommýnıkatsııalar qyzmeti alańynda ótken baspasóz máslıhatynda. 

Sondaı-aq, maman qyzylshany juqtyrýdyń birneshe sebebin atady. 

«Mysaly, balabaqshadan juktyryp kelýi múmkin, sosyn ony úıdegi balalarǵa juqtyrý qaýpi bar. Qyzylsha juqpaly jáne onyń taralýy joǵary (100%). Sondyqtan ýaqytyly ekpe alǵan abzal», - deıdi ol.