Astanada kúnine 30 qańǵybas ıt pen mysyq aýlanady
«Elordanyń veterınarııa qyzmeti kún saıyn shamamen 30 qańǵybas ıt pen mysyqty aýlaıdy. Jáne qańǵybas ıtter men mysyqtar kelip túsken ótinish boıynsha ustalady. Sol sııaqty búginde qala aýmaǵynda ıtter men mysyqtardy ýaqytsha ustaıtyn 2 oryn bar. Olar jergilikti bıýdjet esebinen kún kórip otyr. Qala aýmaǵynda aýlanǵan ıtter men mysyqtar ýaqytsha orynda 2 aıdaı bolady, odan ári úı janýarlarynyń taǵdyrymen volonterler aınalysady», - dedi Dáýlet Dosqulov elorda máslıhatynyń turaqty komıssııa otyrysynda.
Osy oraıda atalǵan basqarma 2022 jyly qańǵybas ıt pen mysyqty aýlap, kútim jasaýǵa qala bıýdjetinen 178 mln teńge bólýdi surap otyr.
«Jalpy biz qańǵybas úı janýarlaryna qatysty biraz elderdiń tájirıbesin zerdelep kelemiz. Taıaýda ǵana Brıjıt Bardo janýarlardy qorǵaý qorynyń jetekshisi Brıjıt Olýa elordaǵa arnaıy keldi. Júzdestik, máseleni talqyladyq. Tájirıbe bar, jospar bar, biz tek úı janýarlaryn qorǵaý týraly zańnyń qabyldanýyn kútip otyrmyz. Eger jýyrda zań qabyldansa, onda úı janýarlaryn qorǵaý men kútim jasaýǵa arnalǵan jumys júıesi de ózgeredi», - deıdi ol.
Sondaı-aq, qalalyq orta sapasy jáne baqylaý basqarmasynyń basshysy jabaıy ıt pen mysyqtardyń bir jerde turaqtamaı, únemi kóship-qonyp júretinin aıtty.