Astanada kún saıyn 40 adamnan qyzylsha anyqtalady

<p>ASTANA. KAZINFORM &ndash; Bul týraly Astana qalasynyń Bas memlekettik sanıtarııalyq dárigeri Sarhat Beısenova aıtty. Qyzylshamen aýyrǵan 152 balanyń 92%-y ekpe almaǵandar.</p>

Onyń sózinshe, jyl basynan beri Astanada qyzylshanyń 576 bastapqy jáne 216 rastalǵan jaǵdaıy tirkeldi, onyń ishinde 14 jasqa deıingi balalar arasynda 152 jaǵdaı.

«Kúnine qyzylshanyń 40-qa jýyq jaǵdaıy tirkeledi, sol sebepti elordadaǵy qyzylshaǵa qatysty jaǵdaı áli de shıelenise túsýde. Aıta ketý kerek, 152 naýqasqa shaldyqqan balanyń ishinen 92 paıyzy qyzylshaǵa qarsy vaktsına almaǵan, olardyń ata-analary qyzylshany joıýǵa qol jetkizý jáne qoldaý jolynda aıtarlyqtaı keri yqpalyn tıgizýde", - dedi spıker.

Onyń málimetinshe, naýqastardyń ishinde qyzylshaǵa qarsy ekpe alǵandar tek 6 paıyzdy quraıdy, al vaktsınatsııa mártebesi belgisiz naýqastar 26 paıyz.

"Qyzylshanyń taralýyn boldyrmaý úshin toptyq ımmýnıtetiniń jalpy kórsetkishi búkil halyq arasynda 85-90 paıyzdan kem bolmaýy kerek ekenin taǵy da eske salamyn. Osyǵan baılanysty ulttyq vaktsınatsııa kúntizbesine sáıkes, vaktsına almaǵan balalardy anyqtaý jumystary jalǵasyp jatyr. Osylaısha 1 jáne 6 jasta qyzylshaǵa qarsy egilmegen 7-18 jas aralyǵyndaǵy anyqtalǵan 13 000 balanyń 10 371-i ımmýnızatsııamen qamtyldy, bul 79,8 paıyzdy quraıdy", - dep atap ótti Sarhat Beısenova.

Ol 2023 jyly 6 qarashadan bastap aǵymdaǵy ýaqytqa deıin qosymsha jappaı ımmýndaýǵa jatatyn kontıngenttiń, ıaǵnı 121 000 adamnyń 67 168-i egilgenin jetkizdi. Bul 55,5 paıyzdy quraıdy. Onyń ishinde, 6 aıdan 10 aı 29 kúndik vaktsınatsınalaýǵa jatatyn 24 000 balanyń 9 363-i nemese 39 paıyzy ekpemen qamtyldy.

Aıta keteıik, 2-4 jastaǵy vaktsınatsııalaýǵa jatatyn 78 000 balanyń 41 922-si nemese 53,7 paıyzy ekpe aldy. Sonymen qosa, vaktsınatsııa alýǵa jatatyn 6000 medıtsına qyzmetkeriniń 5512-si nemese 91,9 paıyzy vaktsınatsııalanǵan.