Astanada «Quqyqtyq tártip» jedel-profılaktıkalyq is-sharasy ótip jatyr

<p>&nbsp;Memleket basshysy quqyqtyq tártip organdary basshylarymen kezdesý barysynda elde zańdylyqty saqtaýdy, azamattardyń quqyqtyq sanasy men quqyqtyq mádenıetin kóterýdi qamtamasyz etýdi tapsyrǵan. Sonymen qatar &laquo;Zańdylyq jáne tártip&raquo; qaǵıdasy qazaqstandyq qoǵamnyń ıdeologııalyq, saıası jolsiltemesi bolýy tıis dep atap kórsetti. Osy rette quqyq buzýshylyqqa &laquo;nóldik tózimdilik&raquo; qaǵıdasyn nyǵaıtý, kósheler men basqa qoǵamdyq oryndarda tıisti qoǵamdyq tártipti saqtaý maqsatynda 20-30 qarasha kúnderi &laquo;Quqyqtyq tártip&raquo; jedel-profılaktıkalyq aldyn alý is-sharasy ótip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

Oǵan jergilikti atqarýshy organdar, «AMANAT» partııasynyń óńirlik fılıaldary, ÚEU-dar, jastar qozǵalystary, qoǵamdyq pikir kóshbasshylary, volonterler men quqyq qorǵaý baǵytyndaǵy qoǵamdyq qurylym músheleri qatysyp jatyr.

«Reıdter barysynda ýchaskelik ınspektorlar óziniń ákimshilik aýmaǵynda ishki ister organdarynda esepte turatyn tulǵalardy jiti tekserýge alady jáne elorda turǵyndarynyń arasynda usaq quqyqbuzýshylyqtarǵa «nóldik tózimdilik» qaǵıdatyn nasıhattaıdy. Elordalyq tártip saqshylary qoǵamdyq tártip pen azamattardyń tynyshtyǵyn buzbaý kerektigin eskertedi. Quqyqtyq tártip buzylǵan jaǵdaıda polıtsııaǵa nemese 102 nómirine dereý habarlaýyńyzdy suraımyz. Taǵy bir aıta keterligi, osy is-shara barysyndaǵy jumystar basqa kúnderi de udaıy júrgiziletinin, tek osy onkúndikte ol kúsheıtile atqarylyp jatqanyn eske salamyz», - deıdi Saryarqa aýdandyq PB jergilikti polıtsııa qyzmetiniń bólim bastyǵy, polıtsııa podpolkovnıgi Beıbitjan Áripjanov.

Al Saryarqa aýdany ákimdigi apparatynyń bas mamany Danııar Hısmatýllınniń aıtýynsha, osy aldyn alý is-sharasy bastalǵaly beri 4 kúnde 500-den astam ákimshilik quqyqbuzýshylyq faktileri tirkelipti. Onyń ishinde vandalızm boıynsha 5 fakt, usaq buzaqylyq boıynsha 4 fakti anyqtalǵan.

Reıdke qatysýshylar aldymen Gete - Birjan sal kósheleriniń mańaıynda vandalızm, qaıyr tileý, jeńgetaılyq, ishimdik ishý, qoǵamdyq oryndarda temeki shegý, bóten bireýdiń múlkin qasaqana búldirý, elge ortaq oryndardy lastaý syndy quqyq buzýshylyq faktileri boıynsha profılaktıkalyq jumystar júrgizdi. 

Foto: gov.kz

Odan ári atalǵan top Qarasaı batyr kóshesimen boılaı el ishinde «Arman shaǵyn aýdany» atalatyn qala bóligine baryp, ınternet alaıaqtyqtan saqtaný, otbasylyq-turmystyq qatynastardyń buzylýy, tynyshtyqty buzý, qoǵamdyq múlikti búldirý boıynsha quqyqbuzýshylyqtarǵa oraı profılaktıkalyq jumystar ótkizdi.

30 qarashaǵa deıin sozylatyn atalǵan is-shara aıasynda jergilikti basqarýshy organdar men kezekshi bólimderdiń beınebaqylaý kameralary júıesin paıdalana otyryp, adamdar kóp shoǵyrlanatyn oryndarǵa, avtobýs aıaldamalaryna, qoǵamdyq kólikke jáne taǵy basqa oryndarǵa turaqty vızýaldy baqylaý kúsheıtildi.