Astanada Kreşenıe merekesine oraı sýǵa túsýge arnalǵan oryndar anyqtaldy

ASTANA. QazAqparat - Astanada 18-19 qańtar kúnderi barlyq pravoslavıe shirkeýlerinde Kreşenıe merekesi rásimi ótedi, dep habarlaıdy elorda ákimdiginiń resmı saıty.

2023 jyly Kreşenıe merekesi rásimi 18-19 qańtarda Astana qalasynyń barlyq pravoslavıe shirkeýlerinde ótedi. Olar: Ýspen kafedraldy sobory (Kúıshi Dına kóshesi, 27), Konstantın-Elenın shirkeýi (Respýblıka dańǵyly, 12), Serafım Sarovtyń shirkeýi (Bógenbaı batyr dańǵyly, 8).

Jappaı shomylýǵa arnalǵan oıyqtar Esil ózeńiniń oń jaǵalaýyndaǵy, M. Ótemisova atyndaǵy Oqýshylar saraıy aýdanynda, «Grand Alataý» TK jáne sol jaǵalaýdaǵy «Astana» saıabaǵynyń jaǵalaýynda (Amfıteatr men Regis Astana qonaq úıiniń janynda) ornatylady.

Shomylatyn oryndar 18 qańtar saǵat 19:30-dan bastap 19 qańtar 02:00-ge deıin qoljetimdi bolady. Sondaı-aq, jappaı shomylý19 qańtar tańǵy 8:00-den 20 qańtar saǵat 02:00-ge deıin jalǵasady.

Dinı rásim barysynda Astana qalasynyń Tótenshe jaǵdaılar departamenti Sýda qutqarý qyzmeti jáne polıtsııa departamentiniń qyzmetkerleri turǵyndardyń qaýipsizdigin qamtamasyz etedi. Bul kúni shomylý oryndarynda jedel járdem brıgadalary kezekshilik etedi.