Astanada kran qulaǵan jerde mamandar jumys istep jatyr - TJM

NUR-SULTAN. QazAqparat - QR Tótenshe jaǵdaılar mınıstrligi astananyń qurylys alańynda krannyń qulaýyna qatysty túsinik berdi, dep habarlaıdy QazAqparat tilshisi.

«13 maýsym kúni saǵat 18:20 shamasynda Esil aýdanynda Tóle bı kóshesinde salynyp jatqan «Sen» turǵyn úı kesheni nysanynda munara krany qulady. Qulaǵan KB-405 munara krany «NEOTEH« JShS-ǵa tıesili. Daýyldy eskertýge baılanysty búgin nysandaǵy qurylys jumysy toqtatylyp, kran bólshekteýge daıyndalǵan bolatyn», - delingen habarlamada.

Mınıstrlik taratqan aqparatqa sáıkes qaza tapqandar men zardap shekkender joq.

«Aldyn ala málimet boıynsha, kran qatty jeldiń saldarynan qulap ketken (jeldiń ekpini sekýndyna 20-25 metrge deıin jetken). Tótenshe jaǵdaıdyń mán-jaıy anyqtalyp jatyr. Oqıǵa ornynda QR TJM Ónerkásip qaýipsizdigi komıteti Nur-Sultan qalasy boıynsha departamentiniń qyzmetkerleri jumys istep jatyr», - deıdi vedomstvodan.

Buǵan deıin elordada qatty jelden krannyń qulaǵany týraly habarlaǵan edik.