Astanada QR Tuńǵysh Prezıdentiniń kúnine oraı dızaın festıvali ótedi

ASTANA. 23 qarasha. QazAqparat - 26 qarashada Beıbitshilik jáne Kelisim saraıynda QR Tuńǵysh prezıdentiniń kúnine arnalǵan «Dızaın aptalyǵy Astana 2013» festıvali ashylady. Bul týraly astana.kz saıtyna «Qulanshy» qazirgi zamanǵy óner ortalyǵynan habarlady.

Festıval aıasynda «HHІ ǵasyr tehnologııasy» respýblıkalyq kórmesin ótkizý josparlanǵan, onda qala men zamanaýı tehnologııalar taqyryby qozǵalady. Sonymen qatar, «Ideıadan realızmge deıin» kórme baıqaýynda belgili dızaınerler men óndiristik kompanııalar týyndyny jasaýdyń shyǵarmashylyq barysymen tanystyrady. Budan basqa, «Orta» jáne «Zat» atalymdary boıynsha «Ózekti dızaın» jas dızaınerler baıqaýy uıymdastyrylady, atalǵan is-shara adam ómiriniń barlyq spektri men qyzmetin qamtýǵa múmkindik beredi. Al halyqaralyq «Qala men dızaın» kórmesinde elorda turǵyndary men qonaqtary qurylys pen aýmaqty abattandyrýdyń úzdik dızaınyn tamashalaıdy. Munymen qosa, kórme qalalyq orta dızaınyna, qazirgi zamanǵy qurylystyń sapasy men ásemdigine qoǵamnyń nazaryn aýdarmaq.

Aıta keteıik, festıval aıasynda túrli baǵyttaǵy kásibı jáne jas dızaınerler, sáýletshiler, qala salýshylar, sondaı-aq, elimizde ındýstrııa jáne qurylys salalarynda jańa tehnologııalar usynatyn kompanıalar bas qosady.

Eske salaıyq, festıval 26-28 qarashada Beıbitshilik jáne Kelisim saraıynda ótedi.