Astanada QR Tuńǵysh Prezıdentiniń beınesin ashatyn «El qoldaǵan Elbasy» atty kartınalar men fotosýretter kórmesi ótýde
Atalmysh ekspozıtsııany QR Tuńǵysh Prezıdenti - Elbasynyń Qory uıymdastyryp otyr.
Ekspozıtsııada QR Prezıdenti N.Nazarbaev tulǵasynyń san túrli qyrlaryn kórsetetin qyzyqty jáne tosyn fotosýretter: Elbasynyń oı-tolǵaý ústindegi, qazaqstandyq otbasylarmen, balalarmen, qala jáne aýyl eńbekkerlerimen kezdesken qýanyshty sátteri, sondaı-aq belgili sýretshilerdiń portrettik eńbekteri qoıylǵan.
Astanalyqtar men qala qonaqtaryna usynylǵan týyndylar respýblıkamyzdyń 23 jylda júrip ótken basty jetistikteri men este qalar aýqymdy oqıǵalardy, Qazaqstan damýynyń bizge belgili mejelerin kórsetedi.
«Qazaqtyń tarıhynda N. Nazarbaevtyń róli bólek. Osydan 23 jyl buryn qandaı da bir qıynshlyqtarǵa qaramastan, ózine úlken baǵdar alyp, Tuńǵysh ret derbes memleket qurdy. Osy ótken jyldardyń ishinde eń negizgisi - Qazaqstan kórshilerimen aradaǵy shekaralaryn anyqtap, dúnıejúzindegi abyroıy, bedeli ósti», - dedi QR Premer-Mınıstriniń orynbasary Berdibek Saparbaev kórmeniń ashylý saltanatynda.
«Qandaı bir, ekonomıkalyq nemese tabıǵı qıyndyqtar bolsa da, Memleket basshysy N.Nazarbaev óziniń halqyn qınaltpaı, basqa elderden kemitpeı alyp shyǵyp kele jatyr. Sońǵy kezde oryn alyp jatqan dúnıejúzindegi daǵdarystardyń barlyǵyn jaqsy bilemiz, biraq soǵan qaramastan, qazaqstandyqtardyń ál-aýqaty, turmysy, jaǵdaıy kúnnen-kúnge jaqsarýda. Jaqynda ǵana jarııalanǵan Qazaqstan halqyna Joldaýy «Nurly jol - bolashaqqa bastar jol» da aldymyzdaǵy kele jatqan daǵdarys qarsańynda halyqty qınaltpaı, elge jaǵdaı jasaýǵa baǵyttalǵan shara», - dep atap ótti vıtse-premer.
Onyń sózine qaraǵanda, bul kórme taǵy da bizdiń qandaı memleket bolǵanymyzdy, Elbasy N.Nazarbaevtyń osy memlekettiń qalyptasýyna, damýyna qandaı úles qosqanyn kórsetedi.
«Eki úsh kúnnen keıin Tuńǵysh Prezıdent kúnin atap ótemiz. Barlyǵyńyzdy sol kele jatqan merekemen quttyqtaımyz. Eń bastysy, egemendigimiz uzaǵynan bolsyn, Kók Baıraǵymyz jelbireı bersin, kópultty memleketimizde dostyq pen beıbitshilik bolsyn, Qazaqstannyń abyroı-bedeli óse bersin!», - dep túıdi sózin B.Saparbaev.