Astanada qosymsha eki avtobeket ashylady
QR Investıtsııalar jáne damý mınıstri Roman Sklıardyń aıtýynsha, «Alaı» saýda úıi janyndaǵy avtobeket soltústik pen batys aımaqtaryna qatynaıtyn 31 jańa reıske jaýap berse, osy bekettiń «Keń marttyń» mańaıyndaǵy bólimshesi ońtústik pen ortalyq aımaqtardyń turǵyndaryna qyzmet kórsetedi. Al «Saparjaı» avtovokzaly burynǵy reısterdi oryndaı beredi.
«Jergilikti atqarýshy organdardan túsken aqparatqa sáıkes, EKSPO kórmesi kezinde el aımaqtarynan 472 myńnan astam adam avtobýspen keledi. Ol degenimiz, Astanaǵa kún saıyn shamamen 5 myń adam avtobýspen kelip otyrady. Osyǵan baılanysty reısterdiń sany eki esege kóbeıedi. Sosyn taǵy 250 avtobýs qosymsha qyzmet kórsetedi. Osylaısha, kúnde 400 avtobýs kórme qonaqtaryn tasymaldaıtyn bolady», - deıdi Sklıar.
Aıta keteıik, Astanadaǵy EKSPO Halyqaralyq kórmesi kezinde 2 mln 450 myń adam kelip ketýi tıis. Sonyń ishinde el aımaqtarynan keletin 1 mıllıon 800 myń adam bar .