Astanada Qostanaı jáne Shyǵys Qazaqstan oblystarynyń jármeńkesi ótip jatyr (FOTO)
Qostanaı oblysynyń aýyl sharýashylyǵyónimderin óndirýshileriniń jármeńkesi Tyń ıgerýdiń 60 jyldyǵana arnaldy. Oblys atynan jármeńkege óńirdiń 20 aýdany men qalalarynan 60-tan astam aýyl sharýashylyq kásiporyndary qatysýda. Sonyń ishinde Qazaqstanda belgili «DEP», «Jańa kún», «Osoba», «Korona», «Terra» jáne t.b. fırmalar da bar. Jalpy, atalǵan óńirden 550 tonnany quraıtyn 60 shaqty ónim túri satylymǵa shyǵaryldy. Sonymen qatar, Astana turǵyndary men qonaqtary úshin baýyrsaq festıvali ótkizilip, aýyl sharýashylyǵy ónimderiniń kórmesi uıymdastyryldy.
Al Shyǵys Qazaqstan oblysynan 450 tonnadan astam aýyl sharýashylyq ónimi ákelingen. Jármeńkege kelýshiler bal jáne omartashylyq ónimderine úlken qyzyǵýshylyq tanytyp otyr.
«Qyrkúıek aıynyń sońynan qarasha aıynyń basyna deıin aýyl sharýashylyq jármeńkelerin ótkizý ıgi dástúrge aınaldy. Búgin elimizdiń eki iri óńiri - Shyǵys Qazaqstan jáne Qostanaı oblystary kelip otyr. Jármeńkege 100-ge jýyq aýyl sharýashylyq ónimderin óndirýshileri qatysýda. Olar myń tonnadan astam ónimdi Astana bazarlaryna qaraǵanda 15-20% arzan baǵamen usynýda. Buǵan deıin birneshe jármeńke ótkizildi, oǵan 100 myńǵa jýyq adam kelgen», - dedi Astana qalasynyń ákimi Imanǵalı Tasmaǵambetov.
Onyń aıtýynsha, jármeńke óńirlerdiń qarqyndy damýynyń belgisi ǵana emes, sonymen qatar aýyl sharýashylyq ónimderin óndirýshiler úshin basqa óńirdiń kásipkerlerimen kelisimderge otyryp, jańa ótkizý naryǵyn ıgerý múmkindigin ashady. Jármeńke barysynda Qostanaı jáne Shyǵys Qazaqstan oblystarynyń shyǵarmashylyq ujymdary kontserttik baǵdarlamalaryn usyndy.