Astanada kóshi-qon zańnamasyn buzǵan 6 myńǵa jýyq shetel azamaty anyqtaldy
«2022 jyly qabyldanǵan sharalardyń nátıjesinde elimizdiń kóshi-qon zańnamasyn buzǵan 5 myń 917 shetel azamaty anyqtaldy. 2021 jyly bul kórsetkish 3,5 myń shamasynda bolǵan», - dedi A. Jomartova kóshi-qon taqyrybynda ótken baspasóz máslıhatynda.
Onyń aıtýynsha, byltyr sot sheshimimen 1 myń 143 shetel azamaty Qazaqstan aýmaǵynan shyǵaryldy. 2021 jyly osyndaı 305 adam tirkelgen bolatyn.
«Azamattyq sot isin júrgizý tártibimen 5 sheteldik elden qýyldy. Sonymen qatar, sheteldikterdi Qazaqstanǵa shaqyryp, olardyń memleketimizdiń aýmaǵynda bolý erejelerin oryndaýyn qamtamasyz etpegen elimizdiń 1 myń 278 azamaty ákimshilik jaýapkershilikke tartyldy. Shetel jumys kúshin tartý jáne paıdalaný erejelerin buzǵany úshin 113 jumys berýshi jaýapqa tartyldy», - dedi Kóshi-qon qyzmeti basqarmasynyń ókili.
Budan buryn habarlanǵandaı, 2022 jyly elordada ýaqytsha tirkelgen shetel azamattarynyń sany ósti.