Astanada kósheni qardan tazartýǵa 1400-den astam tehnıka jumyldyryldy

<p>Elordada kommýnaldyq qyzmet mamandary táýlik boıy kóshelerdi tolassyz jaýǵan qardan tazartý jumystarymen aınalysyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

Túngi ýaqytta magıstraldyq kóshelerde sypyrý-jınaý tehnıkalarymen qar qúrelip jatyr.

Joldar, jaıaý júrginshiler júretin jerler men basqa da qoǵamdyq oryndar, jerústi ótkelderi men trotýarlar, velosıpedke arnalǵan joldar men qoǵamdyq kólik aıaldamalary qardan tazartylyp jatyr.

Foto: gov.kz

Bıylǵy qys maýsymy bastalǵaly Astanadan 920 myń tekshe metrden astam qar shyǵaryldy.

Túngi ýaqytta 1400-den astam arnaıy tehnıka men 260-tan astam jumysshy kóshelerdi qardan tazartýmen aınalysyp jatyr. Sınoptıkterdiń boljamynsha, 3 qańtarda elordada aýyspaly bult shyǵady, jaýyn-shashyn jaýmaıdy. Túnde jáne tańerteń tuman túsedi.
Shyǵystan 3-8 m/s jyldamdyqpen jel soǵady. Aýa temperatýrasy túnde -20-22°S, kúndiz -13-15°S bolady. Aýdandyq ákimdikterde qar kúreý jumystarynyń barysyn baqylaý boıynsha táýlik boıy kezekshilik uıymdastyrylǵan.

«Júrgizýshilerdi jyldamdyqty shekten asyrmaı, kólikter arasynda ara qashyqtyq saqtaýǵa jáne shuǵyl manevr jasamaýǵa shaqyramyz», - delingen habarlamada.