Astanada kóshe teatrynyń festıvali bastaldy
Festıvaldiń shymyldyǵy «HHІ ǵasyr teatry: zaman talaby» atty plenarlyq otyryspen ashyldy.
Al negizgi bóligi senbi men jeksenbige josparlanǵan.
Baıqaýǵa Astana qalasynyń ákimdigi men «Mır ı garmonııa» qory muryndyq bolyp otyr.
Atalǵan qordyń jetekshisi Elmıra Şerbakova festıval Mádenıet jáne aqparat mınıstrliginiń qoldaýymen ótip jatqanyn aıtty.
«Kóshe teatrynyń, kóshedegi ónerdiń mýyzkanyń festıvalderin ótkizý tájirıbesi bizde buryn da bolǵan. Eki jyl qatarynan teatraldy bıennale uıymdastyrǵanbyz. Biraq festıvaldi forýmmen úılestirip, qyzyqty sheberlik saǵattaryn ótkizý buryn bolmaǵan», — deıdi Elmıra Şerbakova.
6-7 shilde kúnderi Ortalyq saıabaqta ótetin festıvalde Qazaqstan, Reseı, Polsha, Estonııa jáne basqa da elderdiń teatrlandyrylǵan kóshe qoıylymdary usynylady.
Baıqaýǵa «AspektR», «SoLý», «Chernyı kvadrat», «Mımıkrııa», «Vokrug», «Korolevskıı jıraf» teatrlary, Astana qalasy ákimdiginiń Qýyrshaq teatry, Murat Mutyrǵanov teatry sııaqty ujymdar qatysady.