Astanada kóshbasshy áıelder genderlik teńdik máselelerin talqylady

<p>BUU &laquo;Genderlik zorlyq-zombylyqqa qarsy belsendi is-qımyldyń 16 kúni&raquo; naýqany aıasynda Astanada depýtattar, kásipkerler, azamattyq qoǵam jáne jýrnalıst áıelder bas qosty. Olar genderlik teńdik pen zorlyq-zombylyqqa qarsy kúres máselelerin talqylady, dep habarlaıdy <a href="Kazinform." target="_blank" rel="noopener">Kazinform.</a></p>

Jıyndy AQSh-tyń halyqaralyq damý agenttiginiń (USAID) qoldaýymen «Qadyr-qasıet» qoǵamdyq qory uıymdastyrǵan. 

Shaqyrylǵan spıkerlerdiń biri, Ádil eńbek qaýymdastyǵynyń prezıdenti jáne atqarýshy dırektory Sheron Vaksman genderlik teńdik máselelerine óziniń jeke kózqarasyn bildirip, 20 jastaǵy qyzdyń anasy retinde bul máselelerdi erekshe mańyzdy dep sanaıtynyn atap ótti. 

Foto: Aıjan Serikjanqyzy

Óz sózinde Sh. Vaksman zorlyq-zombylyq pen genderlik teńsizdik problemalary fızıkalyq jáne emotsıonaldyq zııan keltirip qana qoımaı, qorqynysh, uıat jáne únsizdik tsıklin týdyratynyn basa aıtty.

«Qazaqstanda da, basqa elderde de genderlik faktorlarǵa baılanysty zorlyq-zombylyq dereý áreket etýdi talap etedi. Buǵan tózýge bolmaıdy jáne bul kórsetkishterdi tómendetý – bizdiń ortaq mindetimiz. Bir kúni biz bul máseleden tolyqtaı aryla alamyz dep úmittenemin», - dedi Sheron Vaksman.

Spıker óz kezeginde Qazaqstandaǵy áıelderdiń aqparattyq tehnologııalar men zańnama sııaqty erler ústemdik etetin salalardaǵy kedergilerdi eńserip kele jatqanyna tańdanysyn bildirdi. 

«Áıelder ekonomıkaǵa aıtarlyqtaı úles qosyp keledi. Áıelder basqaratyn bıznes ulttyq JІÓ-niń shamamen 40%-yn quraıdy. Alaıda, buǵan qaramastan, olar kóbinese qarjylyq resýrstarda jáne kóshbasshylyq pozıtsııalarda úlken kedergilerge tap bolady. Áıelder ekonomıkalyq resýrstarǵa teń qol jetkize alatyn jáne joǵary laýazymdardy atqara alatyn orta qurý qajet», - deıdi Sh. Vaksman.