Astanada koronavırýstyń taralý qarqyny tamyzdyń ortasynda báseńdeýi múmkin

NUR-SULTAN. QazAqparat – Nur-Sultan qalalyq sanıtarlyq-epıdemıologııalyq baqylaý departamentiniń basshysy Sarhat Beısenova shildeniń aıaǵy men tamyz aıynda koronavırýstyń taralý qarqyny qalaı ózgeretini týraly boljamymen bólisti, dep habarlaıdy QazAqparat tilshisi.

«Ózderińiz bilesizder, Densaýlyq saqtaý mınıstrligi aı saıyn aldaǵy 3 aıǵa boljam jasap otyrady. Sol boljamdardyń deregine súıensek, syrqattaný kórsetkishi tamyz aıynyń ortasyna deıin jalǵasady. Tamyzdyń aıaǵy men qyrkúıek aıynyń basynda qaıta báseńdeıdi. Nur-Sultan qalasy boıynsha da osyndaı boljamdy ustanyp otyrmyz. ıAǵnı, shilde aıynda syrqattaný qarqyny joǵary bolyp otyr. Tamyz aıynyń ortasyna deıin syrqattaný qarqyny tómendemeıdi dep topshylap otyrmyz», - dedi qalanyń bas sanıtar dárigeri.

Sarhat Beısenovanyń aıýynsha, qaladaǵy epıdemıologııalyq ahýal «sary» aımaqqa jaqyndap keledi.

«Táýligine jańa jaǵdaılardyń sanyn tirkeý 586 jaǵdaıǵa jetti. Epıdemıologııalyq jaǵdaıdy baǵalaýdyń jańa matrıtsasy boıynsha, elordamyz «sary» aımaqqa jaqyndap keledi», - dedi ol onlaın brıfıngide.