Astanada kórkem gımnastıkadan QR chempıonaty ótip jatyr

NUR-SULTAN. QazAqparat - Nur-Sultanda kórkem gımnastıkadan Qazaqstan Respýblıkasynyń chempıonaty ótip jatyr, dep habarlaıdy QazAqparat.

«Búgin Nur-Sultan qalasynda Kórkem gımnastıka ortalyǵynda – Táýelsizdik saraıynda el chempıonaty ótip jatyr. 3-7 mamyr kúnderi sport sheberleri, sondaı-aq 8-12 mamyr kúnderi sport sheberligine úmitker jáne 1-razrıad arasynda Qazaqstannyń eki chempıonaty uıymdastyrylady. Onda 500-den asa sportshy baq synaıdy.

Sol sııaqty elimizdiń barlyq óńirinen jasaqtalǵan qurama komanda bólek qatysady. Sol sebepti jarys óte tartysty ótedi dep senemin», - dedi Nur-Sultan qalasy ákimdiginiń «№1 Balalar men jasóspirimderdiń mamandandyrylǵan olımpıadalyq rezervi sport mektebi» KMM basshysy Ábilqaıyr Saıranbek.

Elimizdiń ár óńirinen jınalǵan talantty qyzdar ónerlerin kórsetip jatyr.

«Bul – Qazaqstan ishindegi eń úlken jarys. Sondyqtan sportshylardyń bárin kórip shyǵamyn. Toptyq komandalardy da nazarymyzǵa alamyz. Sebebi qazir Azııa chempıonatyna daıyndyq júrgizip jatyrmyz», - dedi Qazaqstan gımnastıka federatsııasynyń prezıdenti Álııa Júsipova.