Astanada koreı halqynyń dástúrli maskalary kórmesi ashyldy
Kórmege koreı halqynyń «Hahve Belsıngýt Talnorı», «Bonsan Talchým», «Sýen ıArý» jáne basqa da teatrlandyrylǵan dástúrli bı qoıylymdarynda qoldanylatyn maskalary qoıyldy.
Basqa halyqtardyń maskalaryna qaraǵanda úreı týdyratyn qudaılar men janýarlardy beıneleıtin koreı maskalary adam kelbetin, minez-qulqyn, kóńil-kúıi men sezimderin beınelep, qoıylymdarda qarapaıym halyqtyń ómirin ázil túrinde jetkizetin qural.
«Búgin sizder koreı halqy mádenıetiniń bir bóligi dástúrli maska ónerimen tanysasyzdar. Jyl basynan beri Astanada kóptegen mádenı is-sharalar ótkizildi. Ár sharanyń ózindik ereksheligi men mańyzy bar. Jáne bul eki el arasyndaǵy tyǵyz qarym-qatynas pen mádenı dostyqtyń belgisi», -dedi Qazaqstandaǵy Koreıa Respýblıkasynyń Tótenshe jáne ókiletti elshisi Kım De Sık.
Onyń aıtýynsha, maska jasaý óneri álemniń barlyq halqynda bar, ıaǵnı maska mádenıetin barlyq jerden kezdestirýge bolady, alaıda olardyń ár elde ózindik erekshelikteri bar.
Sonymen qatar, elshi tıisinshe qazaq mádenıetiniń Koreıa elinde de joǵary baǵalanatynyn aıta kele, jýyrda qazaqstandyq «Sholpan» bıshiler tobynyń Koreıanyń Andon qalasynda ótken halyqaralyq bı festıvalinen bas júldeni jeńip alǵanyn qýana jetkizdi.
Sóz sońynda elshi myrza 7-8 jeltoqsan kúnderi Astanada koreı kınosy kúnderi ótetinin habarlap, elorda halqyn Koreıanyń kıno ındýstrııasymen jaqynyraq tanysýǵa shaqyrdy.
Koreılerdiń dástúrli maskalarynyń 61 túri qoıylǵan kórmede Choson dınastııasy kezeńindegi Koreıa eliniń beınesin kórýge bolady.
Atalǵan shara aıasynda erteń «Astana balet» teatrynda ejelgi koreı halqynyń dástúrli bı ónerinen maskalyq qoıylym ótedi. Kórme osy jyldyń 23 jeltoqsanyna deıin jalǵasady.