Astanada kópqabatty ǵımarat órtenip jatyr
18:21, 16 Shilde 2022
NUR-SULTAN. QazAqparat – Elordada Mırnyı kóshesi, 19 mekenjaıynda ornalasqan kópqabatty ǵımarattan órt shyqty, dep habarlaıdy QazAqparat tilshisi.
«16 shilde kúni saǵat 16:46-da Nur-Sultan qalasynyń Tótenshe jaǵdaılar departamenti bólimshelerine Mırnyı kóshesi, 19 mekenjaıynda ornalasqan jeke úıdiń órtenip jatqany týraly habarlama tústi. Oqıǵa ornyna jetken órt sóndirýshiler janyp jatqan ǵımarattyń monsha ekenin anyqtady. Qazirgi ýaqytta onda órt sóndirý bólimsheleri jumys istep jatyr», - dep málim etti Nur-Sultan qalalyq tótenshe jaǵdaılar departamentiniń baspasóz qyzmetinen.
Ázirge qaza tapqandar men zardap shekkender týraly aqparat joq. Áleýmettik jelilerde taraǵan vıdeolardan turǵyndar ǵımaratqa barar jolda ornalasqan kólikterdi qolmen kóterip, órt sóndirý mashınalaryna jol ashyp jatqanyn kórýge bolady.