Astanada kópqabatty úıden shyqqan órt sóndirildi

<p>Tún ortasynda Astananyń B.Momyshuly dańǵylyndaǵy kópqabatty úılerdiń biriniń syrtynda órt shyqqany týraly qońyraý tústi, dep habarlaıdy Tótenshe jaǵdaılar mınıstrliginiń qyzmeti.</p>

Kelgen órt sóndirý bólimsheleri keramogranıtten jasalǵan qaptama astyndaǵy qabyrǵanyń syrtqy jylý ustaǵyshynyń 15 sharshy metri jáne kabeldiń 19 pogondyq metr alańynda janyp jatqanyn anyqtady.

«Qaptaý materıalyn tez bólshektep, jylý ustaǵyshqa muqııat sý tógip tastaǵan órt sóndirýshiler órttiń odan ári taralýyna jol bermeı, tún ortasynda turǵyndardy evakýatsııalamaı-aq ony sóndirdi», — dep jazdy vedomstvodan.

TJM órtti sóndirýden góri, onyń aldyn alý ońaı ekenin eske salady.

Aıta keteıik, buǵan deıin Aqtóbe oblysynda 6 kólikti tasymaldap bara jatqan júk kóligi órtenip, 2 adam aýrýhanaǵa túsken.