Elordada kópqabatty turǵyn úıdiń ornyna skver salynady

<p>ASTANA. KAZINFORM &ndash; Elordada kópqabatty turǵyn úıdiń ornyna skver salynady. Sonymen qatar Myńjyldyq alleıasy basty qoǵamdyq oryndardyń birine aınalady. Bul týraly Úkimet basshysy Oljas Bektenov málim etti.&nbsp;</p>

«Astanadaǵy Nájimedenov kóshesindegi 18 qabatty ǵımarattyń ornyna skver salý týraly sheshim qabyldandy. Myńjyldyq alleıasy Astanadaǵy jańa tartymdy ortalyqqa aınalady. Ákimdik elordada demalýǵa arnalǵan jaıly aımaqtar qurý, kógaldandyrýdyń keshendi júıesin iske asyrý jónindegi jumysty jalǵastyrýy qajet. Bul elordanyń jańa tynysyn ashýǵa múmkindik beredi», - dedi Oljas Bektenov Úkimet otyrysynda.

Sonymen qatar Premer-Mınıstr uqsas jaǵdaı Almatyda da qalyptasyp otyrǵanyn aıtty. 

«Almaty qalasynda turǵyndar úshin qolaıly orta jasaý jumystary belsendi júrýde. Mysaly, Baıseıitova kóshesindegi qaraýsyz qalǵan aýmaq saıabaqqa aınaldy. Bıyl ákimdik jańadan 3 saıabaqty paıdalanýǵa berip, 3 saıabaqty kúrdeli jóndeýge tıis. Turǵyndar orynsyz qurylys salýǵa, qalanyń tarıhı aýdandarynda tyǵyz qurylys jumystaryn júrgizýge jáne aǵashtardy kesýge qarsy shyǵyp jatqany málim», - deıdi ol. 

Sondaı-aq Úkimet basshysy qurylys aldynda turǵyndardyń pikirin eskerý kerektigin aıtty.