Astanada konkýrdan qyzdar arasynda ashyq birinshilik ótedi

<p>ASTANA. KAZINFORM &ndash; Halyqaralyq áıelder kúnine oraı Astana qalasynda at sportynyń konkýr túrinen qyzdar arasynda ashyq birinshilik ótedi.</p>

Astana qalalyq sport basqarmasy málim etkendeı, elimizdiń túkpir-túkpirinen kelgen burymdylar 8 naýryz kúni «Arǵymaq» at-saýyqtyrý sport kesheninde kil myqtylardy anyqtaıdy. 

Olar saıystyń 6 baǵdary boıynsha synǵa túsedi.

• №1 marshrýt «Ashyq klass sanaty»

• №2 marshrýt «Jastar sanaty»

• №3 marshrýt «Áýesqoılar sanaty»

• № 4 marshrýt «4 jasar jas jylqylar sanaty»

• №5 marshrýt «5 jasar jas jylqylar sanaty»

• №6 marshrýt «6 jasar jas jylqylar sanaty»

Jarystyń jalpy júlde qory – 6 mln teńge. Sporttyq is-shara Astana qalasy ákimdiginiń qoldaýymen jáne Astana qalasynyń Ulttyq jáne olımpıadalyq at sporty túrleri federatsııasynyń uıymdastyrýymen ótedi.

Jarys saǵat 10:00-de «Arǵymaq» at-saýyqtyrý sport kesheninde bastalady (Qarqaraly tas joly, 1., qala mańyndaǵy №№303, 309, 320, 323 marshrýttar qatynaıdy).