Astanada konkýrdan el chempıonaty ótti

<p>Elordadaǵy &laquo;Arǵymaq&raquo; at-saýyqtyrý kesheninde Táýelsizdik kúnine oraı konkýrdan Qazaqstan chempıonaty ótti, dep habarlaıdy <a href="https://kaz.inform.kz/" target="_blank" rel="noopener">&nbsp;Kazinform</a> qala ákimdiginiń resmı saıtyna silteme jasap.&nbsp;</p>

Іs-sharanyń ashylý saltanatyna Astana qalasynyń Ulttyq jáne olımpıadalyq at sporty túrleri federatsııasynyń prezıdenti Erlan Kanalımov, Astana qalasynyń Dene shynyqtyrý jáne sport basqarmasynyń basshysy Samat Jylqybaev jáne «Arǵymaq» at-saýyqtyrý kesheniniń dırektory Amanjol Hasenov qatysty.

Qalalyq sport basqarmasynyń basshysy Samat Sábıtuly Táýelsizdik kúnine arnalǵan el chempıonattyń ashylýymen quttyqtap, konkýrdan jyl basynan beri Astanada besinshi ret uıymdastyrylyp jatqanyn tilge tıek etti. 

Foto: gov.kz

«Bul kún ata-babamyzdyń san ǵasyr boıy ańsaǵan asqaq armany men aqjarma tilegi oryndalyp, úkili úmiti ústem bolyp, egemen elimizdiń erkin damýyna aıqara jol ashqan kún. Sondyqtan bul mereke qasıetti de qasterli. Bir jyl buryn Respýblıka kúni qoldanysqa berilgen keshende aımaqtyq, qalalyq, respýblıkalyq deńgeıdegi jarystar uıymdastyrylýda. Al bıylǵa konkýrdan ótip jatqan bul besinshi jarys», - dedi basqarma basshysy.

Aıta keteıik, túrli bıiktiktegi 4 baǵytta sheberlikterin synaýǵa tek Astana qalasynyń 50-ge jýyq sportshylary qatysty.

Uıymdastyrýshylardyń aıtýynsha, aýa raıynyń buzylýy, joldyń jabylýyna baılanysty elimizdiń ózge oblystary qatysýdan májbúrli túrde bas tartty. 

Foto: gov.kz

Іs-shara Astana qalasy ákimdiginiń qoldaýymen jáne qalalyq Ulttyq jáne olımpıadalyq at sporty túrleri federatsııasynyń uıymdastyrýymen ótti.