Astanada kommýnaldyq qyzmet kúsheıtilgen rejımde jumys istep jatyr

<p>26 jeltoqsanda tańerteń qala kóshelerin qardan tazartýǵa 2 300 -den astam jol jumysshylary men 1 300-ge jýyq arnaıy tehnıka shyqty, dep habarlaıdy <a href="Kazinform" target="_blank" rel="noopener">Kazinform</a> elorda ákimdiginiń baspasóz qyzmetine silteme jasap.</p>

Jaýyn-shashyn kóp jaýatyn ýaqytta elordanyń kommýnaldyq qyzmeti kúsheıtigen rejımdegi jumys tártibine kóshedi.

Birinshi kezekte qoǵamdyq kóliktiń kedergisiz qozǵalysyn qamtamasyz etý úshin negizgi magıstralder qardan tazartylady. Odan ári qozǵalys qarqyny ortasha – alańdar, vokzal mańy men tratýarlar qardan tazartylady.

Jaýyn-shashyn bastalǵaly elorda polıgonyna 600 myń tekshe metrden astam qar shyǵaryldy, bul 45 myń reısti quraıdy.

«Qazgıdromet» RMK málimetinshe, Astanada 26 jeltoqsanda boran, kóktaıǵaq bolady jáne jeldiń ekpini 28 m/s jetedi.

Elorda qonaqtary men turǵyndaryn jolda abaı bolýǵa, qaýipsizdik erejelerin saqtaýǵa shaqyramyz.