Astanada kómir baǵasy arzandady

ASTANA. QazAqparat - Búgin Astana ákimdigi QR Investıtsııa jáne damý mınıstrligimen, taý-ken óndirý jáne taý-ken metallýrgııalyq kásiporyndar qaýymdastyǵymen birlesip, halyqtyń qajettigi úshin kómir baǵasyn tómendetý týraly máseleni qarastyrdy, dep habarlaıdy elorda ákimdiginiń resmı saıty. 

Astana qalasy otyn-energetıkalyq kesheni jáne kommýnaldyq sharýashylyq basqarmasy kómir  baǵasyn tómendetý týraly birqatar memorandýmdy bekitti. Júrgizilgen jumystardyń qorytyndysy boıynsha kómirge tómendegi baǵalar bekitildi: «Bek-Aıda» JK-de - Kóktal k 28/1 (E kombınaty), Jubanov, 35 «Shubarkól» kómiriniń bir tonnasynyń baǵasy 13 500 teńgeden 11 200 teńgege deıin tómendetildi. «Sabına» JK - Jabaev k 76 (Qyrqynshy stansa) «Shubarkól»  kómiriniń baǵasy 13 600 teńgeden 11 400 teńgege deıin túsirildi. «Severenergoýgolsnab» JShS - Promzona k 4/39 (Qyrqynshy stansa), Gertsen k 4/1 «Qarajyra»  kómiriniń tonnasy 14 000 teńgeden 13 200 teńgege deıin arzandatyldy; «Ýmar KZ» JShS - Dýlatov k. 182/1, Lıteınaıa 44 «Qarajyra» kómiriniń tonnasy 14 000 teńgeden 13 200 teńgege deıin kemitildi.

 Kómir ónimin satyp alýǵa qatysty barlyq suraqtar boıynsha i-Kómek qalalyq monıtorıng jáne jedel áreket etý ortalyǵynyń 109 nómirine habarlasýǵa bolady.