Astanada «Qoljetimdi turǵyn úı - 2020» baǵdarlamasy aıasynda 1,5 myńnan astam páter paıdalanýǵa beriledi

ASTANA. QazAqparat - 2015 jyly Astanada «Qoljetimdi turǵyn úı - 2020» baǵdarlamasy aıasynda 1,5 myńnan astam páter salý josparlanǵan. Astana qalasy Qurylys basqarmasynyń málimetinshe, 1598 páterlik 8 turǵyn úı kesheni paıdalanýǵa berilmek.

Turǵyn úı qurylys jınaq banki baǵyty boıynsha jalpy aýdany 61,8 myń sharshy metrlik 7 turǵyn úı kesheni salynady. Bul úılerde 340 bir bólmeli páter, 573 eki bólmeli, 239 úsh bólmeli jáne 16 tórt bólmeli páter bolady. Atalǵan turǵyn úı keshenderi kelesi mekenjaılar boıynsha ornalasady:

- Saýran jáne №24 kóshelerdiń qıylysyndaǵy turǵyn úı kesheni;

- Tilendıev dańǵylynan ońtústikke qaraı ornalasqan kóp páterli turǵyn úı kesheni;

- Brýsılovskıı, Imanov, Jubanov kósheleriniń qıylysynda qosymsha orynjaılary men turaǵy bar kóp páterli turǵyn úı kesheni;

- 23-31, 23-16, 23-17, 23-30 jáne A98 kósheleriniń aýmaǵyndaǵy turǵyn úı keshenderi.

Arendalyq baspana baǵyty boıynsha kezekte turǵandar úshin Saraıshyq kóshesiniń ońtústigi men Jumabaev kóshesiniń shyǵysynda ornalasqan aýdany 28,3 myń sharshy metrlik 430 páterge eseptelgen turǵyn úı kesheni tapsyrylatyn bolady, dep jazady elorda ákimdiginiń resmı saıty.