Astanada «Qoljetimdi baspana-2020» baǵdarlamasy boıynsha páterge ıe bolǵan 672 jas otbasy anyqtaldy
2014 jylǵy 4 qyrkúıekte turǵyn úı komıssııasy májilisiniń otyrysy ótip, onda úmitkerlerden túsken ótinishterdi qaraý nátıjeleri boıynsha usynylǵan qujattar qaralyp, turǵyn úı alýǵa úmitker retinde 672 jas otbasy iriktelip alyndy.
«Jas otbasylar úshin turǵyn úı» baǵyty boıynsha baǵdarlamaǵa qatysýshylar sany 5 078 jas otbasy, sonyń ishinde úsh bólmeli páter alýǵa - 1 302, eki bólmeli páterge - 2 765, bir bólmeli páterge - 1 011 úmitkerden keldi. Bul rette úlestirý úshin 158 úsh bólmeli, 380 eki bólmeli jáne 134 bir bólmeli páter bólingenin atap ótý kerek.
Іrikteý qatysýshylardyń ótinishterinde kórsetilgen páterlerdiń úlgisine saı keletin turǵyn úı sanyna sáıkes qatysýshylar balldarynyń joǵarylyǵy boıynsha júrgizildi. Baǵdarlama qatysýshylardyń balldary teń bolǵan jaǵdaıda, tizimge engizý týraly sheshim Turǵyn úı komıssııasynyń daýys kópshiligimen qabyldandy.
Tizimge engizilgen baǵdarlama qatysýshylaryna Turǵyn úı basqarmasynyń shaqyrýymen Turǵyn úı qurylys bankisine tólem qabilettiligin baǵalaýǵa joldamalar beriletin bolady. Baǵdarlamaǵa qatysýshylar joldamany alǵan kúnnen bastap 20 (jıyrma) kúntizbelik kúnnen aspaıtyn merzimde Turǵyn úı basqarmasyna Turǵyn úı qurylys banki bergen tólem qabilettiligin baǵalaý týraly habarlamany usynýy tıis.
Esterińizge sala keteıik, baǵdarlamanyń bul baǵyty boıynsha Astana qalasynda keminde eki jyl nekede turǵan jáne erli-zaıyptylardyń ekeýi de 29 jasqa tolmaǵan (baǵdarlamaǵa qatysýǵa ótinish bergen kezde) jas otbasy, sondaı-aq 29 jasqa tolmaǵan balalaryn ata-ananyń bireýi tárbıeleıtin ajyrasqan nemese tolyq emes otbasylar qatysty. Halyqqa qyzmet kórsetý ortalyqtary arqyly «Jas otbasylar úshin turǵyn úı» baǵyty boıynsha baǵdarlamaǵa qatysýǵa ótinishter 2014 jylǵy 2-14 maýsym aralyǵynda qabyldanǵan edi, dep habarlady Astana qalasy ákimi apparatynyń baspasóz qyzmetinen.
Atalmysh baǵdarlama boıynsha páterlerge ıe bolǵan azamattardyń tizimin myna silteme boıynsha qaraýǵa bolady http://www.astana-akshamy.kz/img/2014/09/tizim.pdf.