Astanada kóktemgi sanıtarlyq tazalaý jumystary bastaldy

<p>ASTANA. KAZINFORM &ndash; Kóktemniń jyly kúnderiniń bastalýymen elordanyń kommýnaldyq qyzmeti qalany aýqymdy sanıtarlyq tazalaýǵa kiristi. Máselen, kópirler, eskertkishter, trotýarlar, belgiler, qorshaýlar, aıaldamalar jýylady, skverler, saıabaqtar, qoǵamdyq keńistikter qoqystardan tazartylady. Bul týraly Astana ákimdiginiń resmı saıty málimdedi.</p>

Qazir arnaıy tehnıkanyń kómegimen trotýarlar men jol jabyndaryn mehanıkalandyrylǵan tazalaý jumystary júrgizile bastady. 

Qolmen jáne tehnıkanyń kómegimen jol jıegi tazalanady. Sondaı-aq kommýnaldyq qyzmet mamandary erigen sýdy sorady.

Foto: Astana qalasy ákimdiginiń baspasóz qyzmeti

Búgingi tańda elordanyń bes aýdanynda sanıtarlyq tazalaý jumystary júrgizilip jatyr.

Іs-sharaǵa 1000 arnaıy tehnıka birligi jáne 2300 jol jumysshysy jumyldyryldy.

Aktsııaǵa 35 myńǵa jýyq qala turǵyny, eńbek ujymdary, qoǵamdyq uıymdar, bıznes ókilderi, jastar, eriktiler, aýdan belsendileri qatysty.

Foto: Astana qalasy ákimdiginiń baspasóz qyzmeti

Elordada jalpy 60 myńǵa jýyq tonna qoqys jınalyp, shyǵaryldy. Tazalanǵan aýmaqtyń aýdany 52 mln sharshy metrden asady.

Bıyl Naýryz merekesi Qazaqstanda 10 kún boıy atalyp ótýde. 23 naýryz kúni - Naýryznamnyń onkúndigindegi Tazartý jáne jańarý kúni ekenin eske salamyz.