Astanada Kóktal-1 shaǵyn aýdanynyń turǵyndary gazsyz qaldy

ASTANA. QazAqparat – Astanada Kóktal-1 shaǵyn aýdanynyń turǵyndary gazsyz qaldy. Bul týraly QazAqparat «QazTransGaz Aımaq» kompanııasyna silteme jasap habarlaıdy.

«Saǵat 18.40-ta «Gazovık» JShS-niń qurylys tehnıkasy jumys istep jatqan kezde Shuǵyla kóshesi- 24 mekenjaıyndaǵy ortasha qysymdy, dıametri 225 mm bolatyn gaz qubyryna zaqym keldi. Bul qubyr №14,15,16 gaz taratý pýnkterin tabıǵı gazben qamtamasyz etedi. Sonyń saldarynan Kóktal-1 shaǵyn aýdanyna gaz berý tolyǵymen toqtap qaldy. 236 abonent gazsyz otyr. Gaz berý avarııanyń saldaryn joıylǵannan keıin qalpyna keltiriledi», - delingen kompanııa habarlamasynda.

Uıym ókilderi atalmysh shaǵyn aýdan turǵyndarynan avarııalyq karandardy jaýyp ustaýdy surap otyr.