Astanada qoqys polıgony órtenip jatyr
20:24, 02 Qyrkúıek 2024
<p>ASTANA. KAZINFORM — Osy sátte TJM qutqarýshylary Astana qalasynyń Baıqońyr aýdanynda qatty turmystyq qaldyqtar polıgony aýmaǵyndaǵy tilsiz jaýmen arpalysyp jatyr. </p>
«Qazirgi ýaqytta ashyq janyp jatqan ýchaske joq. Jergilikti jerde órt oshaqtaryn sóndirý jumystary júrgizilip jatyr. Osy maqsatta otqa sý quıylyp, arnaıy tehnıkamen topyraq sebilip jatyr» deıdi Tótenshe jaǵdaılar mınıstrliginiń baspasóz qyzmetinen.
Órttiń aldyn ala aýmaǵy — 500 sharshy metr. TJD kúsh-quraldary jumyldyryldy.
Rekýltıvatsııa jumysy kezinde qoqys ashyq jalynmen jana bastaǵan.
Jeldiń otty sóndirýge kedergi jasaǵanyna qaramastan jalynnyń jan-jaqqa taralý qaýpi joq.
Osy jazda elimizdiń birqatar óńirinde qoqys polıgondarynda órt tutandy.
Aıtalyq, maýsymda Qaraǵandy oblysy Buqar jyraý aýdanynyń Dóskeı aýlynan 4 km qashyqtaǵy polıgonda órt boldy.
Jalyn 1000 sharshy metr aýmaqty sharpydy.