Astanada qoǵamdyq kitaphana ashyldy

ASTANA. QazAqparat – Astanadaǵy ýnıversıtet qabyrǵasynda «Public Library» atty qoǵamdyq kitaphana ashyldy, dep habarlaıdy QazAqparat.

Public Library qorynyń syıymdylyǵy 13 myń kitapqa deıin jetedi. Minberdegi birinshi zalda qazaq tilindegi ádebıetter, qazaq avtorlary, álemdik bestsellerlerdiń qazaq tiline aýdarmalary, sondaı-aq Qazaqstan týraly shet tilderindegi ádebıetter ornalasqan.

«Jalpy kitap adamnyń ishki dúnıesiniń, oı-órisiniń bilimin keńeıtip, muqtajyn qanaǵattandyratyn rýhanı azyǵy bolyp qala bermek. Al qoǵamnyń ál-aýqaty, damý deńgeıi bilimge tikeleı baılanysty. Qazirgi saıası-ekonomıkalyq jarysta kósh bastap, álemdik arenada jetekshi oryn alý úshin qoǵamǵa rýhanı damýǵa, bilim men ǵylymǵa jeteleıtin qolaıly orta usyný kerek», - dedi Maqsyt Narikbayev University basqarma tóraǵasy Talǵat Nárikbaev.

Aıta keteıik, kitaphananyń ashylý saltanaty Astana Halyqaralyq qarjy ortalyǵynyń sot ókilderi men Halyqaralyq tórelik ortalyǵynyń qazirgi tóraǵasy Tomas Krıýmmeldiń jáne ortalyqtyń burynǵy tóraǵasy Barbara Domannnyń Qazaqstanǵa sapary aıasynda ótti.

Jalpy JOO-daǵy qoǵamdyq kitaphana – tańsyq uǵym emes. Máselen, New York University, Harvard, Stanford sııaqty álemniń jetekshi ýnıversıtetterinde qoǵamnyń qoldanýyna usynylǵan kitaphanalar bar.

Maqsyt Narikbayev University-de ashylǵan Public Library kitaphanasyna Astana qalasynyń kez kelgen turǵyny men qonaqtary bara alady.