Astanada qoǵamdyq kólik baǵasy ózgeredi

<p>ASTANA. KAZINFORM &ndash; Elordada avtobýstardyń jolaqysyn kóterý josparlanýda. Qaýlynyń jobasy &laquo;Ashyq NQA&raquo; portalynda jarııalandy.</p>

Qazir qalalyq qoǵamdyq kólikterde jolaqy 90 teńge, endi jańa qaýlynyń negizinde avtobýs qunyn 110 teńgege arttyrý usynylyp otyr.

«Qoǵamdyq kóliktermen jolaýshylar men júk tasymaldaýǵa 110 teńge mólsherinde biryńǵaı tarıf belgilensin», - delingen qujatta.

Qaýly Astana boıynsha qala ishi men onyń mańyna jolaýshylar men júkterdi tasymaldaý marshrýttaryna mynadaı mólsherde saralanǵan tarıfti belgileıdi:

- elektrondyq jol júrý qujaty nemese qosymsha elektrondyq tólem servısteri arqyly qolma-qol aqshasyz tóleý kezinde jolaýshylar men júkterdi qoǵamdyq kóliktermen tasymaldaýǵa -110 teńge;

- elektrondyq jol júrý qujaty nemese qosymsha elektrondyq tólem servısteri arqyly qolma-qol aqshasyz tóleý kezinde jolaýshylar men júkter tasymaly -250 teńge;

- elektrondyq jol júrý qujaty nemese qosymsha elektrondyq tólem servısteri arqyly qolma-qol aqshasyz tóleý kezinde jolaýshylardy áleýmettik mańyzy bar oryndarǵa tasymaldaýǵa-110 teńge;

- elektrondyq jol júrý qujaty nemese qosymsha elektrondyq tólem servısteri arqyly qolma — qol aqshasyz tóleý kezinde jolaýshylar men júkterdi qala mańyna qoǵamdyq kóliktermen tasymaldaýǵa – 1 shaqyrymǵa 9 teńge 50 tıyn;

- qolma-qol aqshamen tólegen kezde jolaýshylar men júkterdi qoǵamdyq kóliktermen tasymaldaýǵa - 220 teńge;

- qolma-qol aqshamen tólegen kezde jolaýshylar men júkterdi qoǵamdyq kóliktermen tasymaldaýǵa-350 teńge;

- qolma-qol aqshamen tólegen kezde jolaýshylardy áleýmettik mańyzy bar oryndarǵa tasymaldaýǵa - 220 teńge;

- jolaýshylar men júkterdi qolma-qol aqshamen tóleý kezinde qala mańyna qoǵamdyq kóliktermen tasymaldaýǵa – 1 shaqyrymǵa 14 teńge.

Sondaı-aq, qujatta elektrondyq tólem júıesinen aqaý shyqqan jaǵdaıda jolaýshynyń tegin jol júrýge quqyǵy bar ekendigi aıtylǵan.

Atalǵan qaýly jobasy 2024 jylǵy 5 naýryzǵa deıin qoǵam talqylaýyna usynylyp otyr.