Astanada qyzylsha juqtyrǵan 4 bala aýyr hálde jatyr

<p>Elordada qyzylsha ınfektsııasyn juqtyrǵan 4 bala reanımatsııa bóliminde jatyr. Bul týraly qalalyq №3 kópbeıindi balalar aýrýhanasy dırektorynyń orynbasary Roza Ótegenova málim etti, dep habarlaıdy Kazinform agenttigi.&nbsp;</p>

«Qańtar aıynyń basynan búginge deıin 100-ge jýyq bala qyzylshadan emdelip shyqty. Qazir reanımatsııa bóliminde 4 bala jatyr. Olar qyzylsha juqtyrǵanǵa deıin esepte turatyn, dıagnozy bar balalar. Onyń ústine ekpe almaǵandyqtan qıynǵa soǵyp jatyr», - dedi Roza Ótegenova Astana qalalyq kommýnıkatsııalar qyzmeti alańynda ótken baspasóz máslıhatynda.

Mamannyń málimdeýinshe, kóptegen faktor halyqtyń qyzylshaǵa qarsy ımmýnıtetiniń álsizdiginen.

«Elordada ótken jylǵy 6 qarashadan bastap búginge deıin 36,5%, ıaǵnı 44 800 bala ekpe aldy. Sonymen qatar revaktsınatsııa júrgizip, balalarǵa ýaqtyly ekpe salý qajet», - deıdi ol.