Astanada «Kitap óneri» atty IX Halyqaralyq baıqaýdyń jeńimpazdary anyqtalýda

ASTANA. 24 mamyr. QazAqparat - Búgin Astanadaǵy Ulttyq akademııalyq kitaphanasynda TMD-ǵa múshe memleketterdiń «Kitap óneri» IX Halyqaralyq baıqaýy ádil qazylar alqasynyń otyrysy bastaldy.

Májiliske Ázirbaıjan, Armenııa, Ýkraına, Qyrǵyzstan, Moldova, Reseı, Tájikstan, Ózbekstan, Belarýs pen Qazaqstannyń ókilderi qatysýda. Olar «Dostastyq», «Meniń elim», «Balalar men jasóspirimderge arnalǵan kitap», «Mádenıet. Ǵylym. Bilim», «Art-kitap», «Dostastyqta basylǵan» atalymdary jáne «Kitap óneri» baıqaýynyń bas júldesi boıynsha aqyldasyp, erteń, mamyrdyń 25-si kúni óz sheshimin shyǵaratyn bolady.

Jeńimpazdardy saltanatty túrde marapattaý rásimi bıyl qyrkúıek aıynda Máskeýdegi kitaptardyń Halyqaralyq kórme-jármeńkesi aıasynda ótedi. Al olardyń kitaptary TMD-nyń Tarıh murajaıyna tapsyrylady.