Astanada kıim-keshek baǵasy bir jylda 25 paıyzǵa qymbattady

ASTANA. QazAqparat – Eldegi kıim-keshek óndirisiniń 43 paıyzy Almaty jáne Shymkent qalalary men Almaty oblysynda shoǵyrlanǵan. Búl týraly QazAqparat Energyprom.kz resýrsyna silteme jasap habarlaıdy.

Saıttyń saraptamasyna sensek, respýblıka boıynsha kıim baǵasy bir jylda 14,6% ósken.

«Kıim-keshektiń qymbattaǵanyn bárinen buryn astanalyqtar qatty sezindi: bir jylda birden 25 ósken. Kıim qymbat óńirlerdiń úshtigine Qyzylorda (+19,8%) jáne Aqmola (+ 19%) oblystary kirdi. Eń baıaý ósim Aqtóbe oblysynda tirkelgen – 9,7%.

Byltyrǵy qazan aıynan beri erlerdiń kıimi 14%, áıelderdiń kıimi 14,1%, balalar kıimi 17,2% qymbattaǵan», -dep jazylǵan saraptamada.

Al qańtar-tamyz aralyǵynda ımportpen kelgen trıkotaj jáne toqyma ónimderiniń kólemi 71 myń tonna bolǵan. Bul aqshaǵa shaqsaq, 888,9 mln dollar.

«Qazaqstanǵa TMD elderinen 16,9 myń tonna ónim ákelingen. Bul burynǵydan 2,9% kem. Negizgi jetkizýshi – Ózbekstan: 10,2 myń tonna.

TMD quramyna kirmeıtin elderden 54,1 myń tonna kıim ákelingen. Bul byltyrǵydan 17,8% artyq. Negizgi jetkizýshiler Qytaı (39,3 myń tonna) men Túrkııa (12 myń tonna) bolyp otyr.

Qańtar-qyrkúıek aralyǵynda eldegi kıim óndirisinińaqshalaı kólemi 43,1 mlrd teńge boldy. Bul bir jyl burynǵy kórsetkishten 12,7% kóp.

Eń úlken óndiris kólemi Shymkentte tirkeldi - 7,4 mlrd teńge (+44%). Odan keıin Almaty qalasynda 6,9 mlrd teńgeniń (+15,2%) jáne Almaty oblysynda 4,2 mlrd teńgeniń (-48,6%) kıim-keshegi óndirilgen», - dep jazady Energyprom.kz.