Astanada «Kids EXPO. Balalar álemi» jármeńkesi bastaldy

NUR-SULTAN. QazAqparat – Búgin astanadaǵy EXPO halyqaralyq kórme ortalyǵynyń alańynda «KIDS EXPO. Balalar álemi» kórme-jármeńkesi bastaldy, dep habarlaıdy QazAqparat qala ákimdigi saıtyna silteme jasap.

Jármeńkeniń baǵyty: bilim berý, hobbı, demalys, balalar mádenıeti (jýrnaldar, kitaptar jáne mýzyka), oıyndar álemi (oıynshyqtar, oıyndar jáne qoldan jasalǵan buıymdar), balalar sáni men kıimi, aksessýarlar jáne taǵy basqasy

Balalar jylyna arnalǵan jármeńke 21 tamyzǵa deıin ótedi. Ony Nur-Sultan qalasy ákimdiginiń qoldaýymen QazExpoCongress ulttyq kompanııasy uıymdastyryp otyr.

Jármeńkede jańa oqý jylyna qajettiniń bárin satyp alýǵa bolady. Bes kún boıy kitap, keńse, toqyma, bilim berý, oıyn-saýyq ındýstrııasynyń 100-ge jýyq qatysýshysy óz taýarlaryn usynady.

Budan bólek, is-shara barysynda kelýshiler úshin arnaıy aqparattyq, mádenı jáne sporttyq baǵdarlama uıymdastyrylady. Sondaı-aq bilim berý mekemeleriniń pedagog-psıhologtary úshin paneldik sessııalar, kitaptardyń tusaýkeseri, trenıngter men sheberlik-sabaqtar, konkýrstar, balalar men mektep kıimderiniń kórsetilimi ótedi.