Astanada QHA saılaıtyn QR Parlamenti Májilisiniń depýtattarynyń kezekten tys saılaýy bastaldy

ASTANA. QazAqparat - Astanada Beıbitshilik jáne kelisim saraıynda «Qazaqstan xalqy Assambleıasy saılaıtyn QR Parlamenti Májilisiniń depýtattarynyń kezekten tys saılaýy» kún tártibimen Qazaqstan xalqy Assambleıasynyń kezekten tys XXIII sessııasy óz jumysyn bastady.

Onda «QR Saılaý týraly» QR Konstıtýtsııalyq zańynyń 93-1-babyna sáıkes, Assambleıa músheleri Assambleıa saılaıtyn QR Parlamenti Májilisiniń depýtattyǵyna QHA Keńesi usynǵan kandıdattar úshin daýys berýdi bastady.

Sessııa jumysyna eldiń barlyq óńirderinen, respýblıkalyq jáne óńirlik etnomádenı birlestikter ókilderiniń qatarynan quralǵan QHA músheleri, qoǵam qaıratkerleri, ǵylymı jáne shyǵarmashyl zııaly qaýymnan turatyn delegatsııalar, QR-da tirkelgen xalyqaralyq baıqaýshylar men sheteldik BAQ qatysýda. Saǵat 07:00-de Astana qalasynyń qalalyq saılaý komıssııasy Beıbitshilik jáne kelisim saraıynda Parlament Májilisiniń depýtattaryn saılaý boıynsha arnalǵan pýnktti ashty.

Aıta keteıik, QR Parlamenti májilisinde 107 depýtat bar, onyń 98-i partııalyq tizim boıynsha, 9-y Qazaqstan halqy Assambleııasy atynan saılanady. 

Eske sala keteıik, 2 naýryz kúni QHA atynan 9 úmitker: Abdrahmanov Saýytbek Abdrahmanuly, Bojko Vladımır Karpovıch, Jumadildaeva Natalıa Vasılevna, Kım Roman Ýhenovıch, Mıkaelıan Narıne Gamletovna, Mýradov Ahmed Seıdarahmanovıch, Nýrýmov Shaımardan Ýsaınovıch, Tımoşenko ıÝrıı Evgenevıch, Hahazov Shakır Hýsaınovıch tirkelgen bolatyn.